Екібастұз қаласы әкімдігінің мәдениет және тілдерді дамыту бөлімі
Жаңалықтар : Жаңалықтар
««Тұлға тұғыры»»
Автор: Кітапхана жүйесі
28-11-2019 09:25
«Тұлға тұғыры»
Орталық қалалық кітапханада Павлодар облысы мамандырылған күзет қызметі басқармасының қызметкерлерінің қатысуымен Тұңғыш Президент күніне орай ұйымдастырылған «Тұлға тұғыры» атты кітап көрмесінің тұсаукесері өтті. Шара басында библиограф М.Қ. Аскарова мамандандырылған күзет қызметі басқармасының қызметкерлеріне атаулы күннің қабылдану тарихы жайлы мағлұматтады. Содан соң, «1 – желтоқсан – Тұңғыш Президент күні» атты бейнеролик көрсетілді. Шараның жалғасында библиограф М.Қ. Аскарова кітап көрмесінің бөлімдерімен таныстырып, әдебиеттерге шолу жасады. Қатысушылардың назарына бірінші бөлімде тұңғыш елбасы жайлы жарық көрген «Нұрсұлтан Назарбаев. Өмірбаян», Н. Онжанов «Бітімгер», В.Ф. Михайлов, Т.А. Мансуров «Нурсултан Назарбаев», «Қазақстан Республикасының Тұңғыш Президенті Нұрсұлтан Назарбаев. Қызмет хроникасы. 1990-1991 жж» және т.б. әдебиеттер ұсынылды. Екінші бөлімде Н.Ә. Назарбаевтың «Ақыл – парасат кітабы», «Таңдамалы сөздер. Т.1», «Тәуелсіздік дәуірі» және т.б. еңбектері ұсынылды. Кітап көрмесінің тұсаукесерінің соңында «Балалық шағымның аспаны» атты фильмнен үзінді тамашаланды.
««Кітапхана – тарихи білім орталығы» »
Автор: Кітапхана жүйесі
25-11-2019 14:31
«Кітапхана – тарихи білім орталығы»
Екібастұз Орталықтандырылған кітапханалар жүйесінің қызметкерлері 2019 жылдың 21-22 қарашасында С. Торайғыров атындағы Павлодар облыстық әмбебап ғылыми кітапханасында өткен  «Ұлы даланың жеті қыры» атты бағдарламалық мақала аясында «Кітапхана – тарихи білім орталығы» атты халықаралық ғылыми-тәжірибелік конференциясына қатысып кәсіби білімдерін жетілдірді. Конференцияға Екібастұз қаласының орталықтандырылған кітапханалар жүйесінің директоры А.Ж.Жанахметова, автоматтандыру және цифрлау бөлімінің меңгерушісі Е.Г.Щебетун, кітапханаларды дамыту және әдістемелік жұмыс бөлімінің қызметкері У.М.Бегетаева, кітапханашылар М.Қ. Аскарова, О.В. Шамшиярова, Н.А. Фаризова, Г.У. Кумарова, Г.Е. Әшербекова, Қ. Каримова, А. Урпекова, Е. Бурш, Ә. Шақтаева, Б. Болатхан   қатысты. Конференцияда автоматтандыру және цифрлау бөлімінің меңгерушісі Щебетун Е.Г. «Диалог культур Запада и Востока: современные реалии» атты тақырыпта баяндама жасады.
«"Шарайна" клубының кезекті отырысы »
Автор: Кітапхана жүйесі
25-11-2019 10:34
Орталық қалалық кітапханада "Шарайна" әдеби клубының кезекті отырысы болып өтті.  Отырысты ақын, «Шарайна» әдеби клубының қазақ тобының жетекшісі Сәрсенбекова Самал Шарамазанқызы ашты. Жергілікті ақындар Жұмағали Бижанұлы Қоғабаев пен Сайлау Әшенұлы Байбосын жас буын қаламгерлерге ақындық өнердің құдіреті мен киесі туралы сыр шертті және өлең жазудың әдіс - тәсілдерімен таныстырып ақ баталарын берді. Кеш қонақтарын қаламызға танымал ақындар Жұмағали Қоғабаев, Сайлау Байбосын, Самал Сәрсенбекова өз поэзияларымен сусындатса, жас ақындар Толғанай Қазымбекова, Оралхан Таңатар, Қуандық Сүйіндік, Мүнажат Камалова және т.б. өз өлеңдерін оқыды. Жазба ақындармен қатар айтыс ақыны Бағдат Әлекбаев суырып салма ақындықтың қыр – сырына тоқталып, синкретті өнерге жататын терме өнеріндегі сөз құдіретіне тоқталып Майлықожаның термесін орындады.
««Балалар құқығының конвенциясы»»
Автор: Кітапхана жүйесі
15-11-2019 14:58
«Балалар құқығының конвенциясы»
Орталық балалар кітапханасында  Дүниежүзілік балалар күніне арнайы "Балалар құқығының конвенциясы"  атты   викторина болып өтті. Кітапханашы осы күннің тарихы мен маңыздылығы туралы айтып берді.  Ертегі викториналарының көмегімен балалар өз құқықтары мен міндеттерін естеріне түсірді. Әр бала өз құқықтары мен міндеттерін білуі және пайдалану  керек екендігі туралы  қорытынды жасады. Өткізілген ойын қорытындысы бойынша ең белсенді қатысушылар анықталып, сыйлықа ие болды.    
««Ғалым. Өлкетанушы. Журналист»»
Автор: Кітапхана жүйесі
07-11-2019 16:16
«Ғалым. Өлкетанушы. Журналист»
С.Торайғыров атындағы облыстық кітапханасында «Рухани жаңғыру» бағдарламасын іске асыру аясында Екібастұз қ. Орталықтандырылған кітапханалар жүйесінің автоматтандыру және цифлау бөлімінін ұйымдастыруымен экономика ғылымдарының кандидаты, профессор, өлкетанушы, Қазақстан Журналистер одағының мүшесі, Екібастұз қаласының Құрметті азаматы С.И. Жақсыбаевтың 85 жылдығына арналған «Ғалым. Өлкетанушы. Журналист» атты веб-ресурстың тұсаукесері өткізілді. Шараны Екібастұз қ. Орталықтандырылған кітапханалар жүйесінің директоры А.Ж. Жанахметованың сөз алуымен басталды. Кітапханашылар А.Қ.Сулейменова ғалым С. Имантайұлының өмірі мен қызметі жайлы айтып берді, Г.Е. Әшірбекова веб-ресурстың негізгі бөлімдерімен таныстырып өтті. Өлкетанушының еңбектерімен мерзімді басылым беттерінде жарық көрген мақалаларына ақпараттық-библиографиялық бөлімнің библиографы М.Қ. Аскарова шолу жасады. Содан соң, автоматтандыру және цифрлау бөлімінің менгерушісі Щебетун Е.Г. веб-ресурстың орыс тіліндегі бөлімінің құрылымымен және С. Имантайұлының кітапханаға деген достығы жайлы айтып берді. Тұсаукесердің соңында Павлодар қаласының Құрметті азаматы, Қазақстанның Құрметті мәдениет қайраткері, өлкетанушы, тарихшы Э.Соколкин, С. Имантайұлының жары Шолпан апай, баласы мен немересі, туыстары естеліктерімен бөлісті. Шараны Облыстық кітапхананың директоры Ш. Баянқызы сөз алып тамамдады.
««Фаворит кітаптар» »
Автор: Кітапхана жүйесі
01-11-2019 12:42
«Фаворит кітаптар»
Орталық қалалық кітапаханың оқу залында «Фаворит кітаптар» атты кітаптар шеруі өтті. Шараға ЕКИТИ, ЭМК колледжілерінің студенттері шақырылды. Шара басында библиограф М. Аскарова қатысушыларға кітап оқудың пайдасы туралы мәліметтеп, Орталық кітапханаға түскен қазақ тіліндегі жаңа кітаптарға шолу жасады. Содан соң, Орталық кітапхананың қызмет көрсету бөлімінің меңгерушісі А. Жұмағалиева А. Баймұхаметовтың «Тастамашы ана», №4 кітапхананың меңгерушісі С. Абрашимова Е. Турсуновтың «Мелочи жизни», Орталық кітапхананың кітапханашысы Қ. Каримова Ж. Әбдішованың «Өмір сүргім келеді», Орталық кітапхананың балалар бөлімінің кітапханашысы Т. Хохлова Д.К. Джеромның «Трое в лодке, не считая собаки», №3 коворкинг – кітапхананың меңгерушісі Л. Омарова Т. Құлиястың «Таңдамалы шығармалары. Т.2», Орталық кітапхананың автоматизациялау бөлімінің кітапханашысы Г. Ашербекова Г. Робертсеннің «Шантарам», Орталық кітапхананың кітапханашысы Б. Калимова М. Баққожаның «Өмірзая» және С. Лисишина У. Голдингтің «Повелитель мух» атты әдебиеттермен таныстырды. Кітаптар шеруі соңында библиограф Т. Жунусова Орталық кітапханаға түскен орыс тіліндегі әдебиеттерге шолу жасады.
« «Жүсіпбек Аймауытовтың рухани мұрасы»»
Автор: Кітапхана жүйесі
25-10-2019 09:50
 «Жүсіпбек Аймауытовтың рухани мұрасы»
Жазушы Ж.Аймауытовтың 130 жыл толуына орай №3 кітапхана-коворкинг Екібастұз тарихи-өлкетану музейі мен бірлесе отырып «Жүсіпбек Аймауытовтың рухани мұрасы» атты әдеби кеш ұйымдастырды.  Кешке арнайы қонақ ретінде шақырылған ақын жерлес С.Байбосын, №25-ші қыздар гимназиясының ұстазы С. Шарамазанқызы, № 18 мектептің 9-10 сынып оқушыларымен қатар кітапхана оқырмандары  қатысты. Кітапханашылар Ж.Аймауытовтың өмір жолымен, шығармашылықтарына толықтай тоқтала отырып, «Алаш арысы» атты фильмі көрсетілді. Кеш қонақтары жазушының шығармашылығы жайлы айтып, ойларын  ортаға салды. Кеш соңында кітапханашы Л. Омарова «Сан қырлы талант иесі» атты кітап көрмесіне шолу жүргізді.
«"Библиотерапия" - "Әр үйге кітаппен" »
Автор: Кітапхана жүйесі
18-10-2019 11:36
Ауыл тұрғындарының әр үйіне кітап жеткізу мақсатында ұйымдастырылған "Библиотерапия" - "Әр үйге кітаппен" жобасы жалғасуда. Өленті ауыл кітапханашысы Ж.Қиясова акцияға шығармашылықпен жақындады! Балалар, әкелген кітаптарды қызықтай отырып, кітапханашыға мәнерлеп оқып берді.
««Кен зерттеушісі» »
Автор: Кітапхана жүйесі
18-10-2019 10:25
«Кен зерттеушісі»
Қосым Пішенбаевтың 175 – жылдығына орай Орталық қалалық кітапхананың ақпараттық – библиографиялық бөлімі әзірлеген «Кен зерттеушісі» атты электронды биобиблиографиялық құралдың тұсаукесері өтті. Тұсаукесер басында ақпараттық – библиографиялық бөлімнің меңгерушісі А. Абильбаева биобиблиографиялық құралдың құрылу мақсатымен таныстырып өтті. Сөз жалғасын библиограф М.Қ. Әлкен Қ. Пішенбаевтың өмірбаянын баяндап, электронды құралдың мазмұнына шолу жасады. Қатысушылар құралдың «Қосым Пішенбаев және Екібастұз», «Пішенбаевты ұлықтау» бөлімдерінде ұсынылған әдебиеттер тізіміндегі мақалалар мен кітаптардың сандық нұсқаларымен танысты.
«"Библиотерапия"- "Әр үйге кітаппен" »
Автор: Кітапхана жүйесі
15-10-2019 16:10
Ауыл тұрғындарының әр үйіне кітап жеткізу мақсатында ұйымдастырылған "Библиотерапия" жобасы аясында  ОКЖ - нің ауыл кітапханалары "Әр үйге кітаппен" жобасын жүзеге асырды. Атап айтсақ, Майқайын, Төрт-Құдық, Құдайкөл, Марғұлан, Бәйет, Шідерті,  ауыл кітапханашылары үй-үйлерді аралап, көркем әдеби кітап, журнал басылымдармен таныстыра отырып, тығыз байланыста болды.
«Жас қаламгерлердің бірінші отырысы»
Автор: Кітапхана жүйесі
14-10-2019 15:13
Жас қаламгерлердің бірінші отырысы
Орталық қалалық кітапхана қабырғасында қаламызда жастар арасында әдеби орта қалыптастыру мақсатында ұйымдастырылған "Шарайна"  клубының отырысы болып өтті.  Алғашқы  отырыста  қаламызға танымал қаламгерлер  З.И. Ильин , Т. Құрманғалиев, С. Ш. Сәрсенбекова,  М. Шумилова,   бард – ақын И. Феоктистов  және жас ақындар  өздерін таныстырып өлеңдерін оқыды, авторлық әндерін гитара аспабының сүйемелдеуімен орындады. Аға буын ақындар жас қаламгерлердің  шығармашылықтарына ақ жол тіледі.
««Жырлайды жүрек»»
Автор: Кітапхана жүйесі
11-10-2019 12:49
«Жырлайды жүрек»
Қазан айының екінші жексенбісі мүгедектер күні. Осыған орай№ 4 балалар бөлімінің (Солнечный кенті) кітапханашыларымүмкіндігі шектеулі балаларға «Жырлайды жүрек» атты сазды кеш өткізді. Шара барысында балалар өздерін жан-жақты, өнерлі екендерін көрсете білді. Әсем ән, ырғақты би, сурет салып, өлең оқыды. Содан соң балалар кітапханаға саяхат жасап, жаңа әдебиеттермен танысты.

бiрiншiсi алдың. 1 2 3 63 соңғысы