Екібастұз қаласы әкімдігінің мәдениет және тілдерді дамыту бөлімі
Жаңалықтар : Жаңалықтар
«"Библиотерапия" - "Әр үйге кітаппен" »
Автор: Кітапхана жүйесі
18-10-2019 11:36
Ауыл тұрғындарының әр үйіне кітап жеткізу мақсатында ұйымдастырылған "Библиотерапия" - "Әр үйге кітаппен" жобасы жалғасуда. Өленті ауыл кітапханашысы Ж.Қиясова акцияға шығармашылықпен жақындады! Балалар, әкелген кітаптарды қызықтай отырып, кітапханашыға мәнерлеп оқып берді.
««Кен зерттеушісі» »
Автор: Кітапхана жүйесі
18-10-2019 10:25
«Кен зерттеушісі»
Қосым Пішенбаевтың 175 – жылдығына орай Орталық қалалық кітапхананың ақпараттық – библиографиялық бөлімі әзірлеген «Кен зерттеушісі» атты электронды биобиблиографиялық құралдың тұсаукесері өтті. Тұсаукесер басында ақпараттық – библиографиялық бөлімнің меңгерушісі А. Абильбаева биобиблиографиялық құралдың құрылу мақсатымен таныстырып өтті. Сөз жалғасын библиограф М.Қ. Әлкен Қ. Пішенбаевтың өмірбаянын баяндап, электронды құралдың мазмұнына шолу жасады. Қатысушылар құралдың «Қосым Пішенбаев және Екібастұз», «Пішенбаевты ұлықтау» бөлімдерінде ұсынылған әдебиеттер тізіміндегі мақалалар мен кітаптардың сандық нұсқаларымен танысты.
«"Библиотерапия"- "Әр үйге кітаппен" »
Автор: Кітапхана жүйесі
15-10-2019 16:10
Ауыл тұрғындарының әр үйіне кітап жеткізу мақсатында ұйымдастырылған "Библиотерапия" жобасы аясында  ОКЖ - нің ауыл кітапханалары "Әр үйге кітаппен" жобасын жүзеге асырды. Атап айтсақ, Майқайын, Төрт-Құдық, Құдайкөл, Марғұлан, Бәйет, Шідерті,  ауыл кітапханашылары үй-үйлерді аралап, көркем әдеби кітап, журнал басылымдармен таныстыра отырып, тығыз байланыста болды.
«Жас қаламгерлердің бірінші отырысы»
Автор: Кітапхана жүйесі
14-10-2019 15:13
Жас қаламгерлердің бірінші отырысы
Орталық қалалық кітапхана қабырғасында қаламызда жастар арасында әдеби орта қалыптастыру мақсатында ұйымдастырылған "Шарайна"  клубының отырысы болып өтті.  Алғашқы  отырыста  қаламызға танымал қаламгерлер  З.И. Ильин , Т. Құрманғалиев, С. Ш. Сәрсенбекова,  М. Шумилова,   бард – ақын И. Феоктистов  және жас ақындар  өздерін таныстырып өлеңдерін оқыды, авторлық әндерін гитара аспабының сүйемелдеуімен орындады. Аға буын ақындар жас қаламгерлердің  шығармашылықтарына ақ жол тіледі.
««Жырлайды жүрек»»
Автор: Кітапхана жүйесі
11-10-2019 12:49
«Жырлайды жүрек»
Қазан айының екінші жексенбісі мүгедектер күні. Осыған орай№ 4 балалар бөлімінің (Солнечный кенті) кітапханашыларымүмкіндігі шектеулі балаларға «Жырлайды жүрек» атты сазды кеш өткізді. Шара барысында балалар өздерін жан-жақты, өнерлі екендерін көрсете білді. Әсем ән, ырғақты би, сурет салып, өлең оқыды. Содан соң балалар кітапханаға саяхат жасап, жаңа әдебиеттермен танысты.
««Ғасыр үні»»
Автор: Кітапхана жүйесі
02-10-2019 17:03
«Ғасыр үні»
Орталық қалалық кітапханада Халықаралық музыка күніне орай «Рухани жаңғыру» бағдарламасы аясында Екібастұз қалалық Естай атындағы мектептің қатысуымен «Ғасыр үні» атты әдеби – сазды кеш өткізілді. Кеште ғасырлар бойы ұрпақтан ұрпаққа жалғасы болып келе жатқан мәдени мұрамыз – қазақтың музыка өнері, тарихы жайлы, күйшілердің өнері туралы мағлұмат берілді. Естай атындағы музыка мектебінің оқушылары дәстүрлі домбыра, қобыз, шертер аспаптарымен «Өмір жолы», «Жезкиік», «Бозінген» күй ойналып, А.Шакенова қазақтың халық әні «Бипыл» әнін домбырамен шырқап, ажарын келтірді.  Кеш соңында «Ғасыр үні» атты кітап көрмесіне шолу жүргізілді.
««Өлкетанушы – ғалым»»
Автор: Кітапхана жүйесі
26-09-2019 09:13
«Өлкетанушы – ғалым»
Орталық қалалық кітапханада Жақсыбаев Серік Имантайұлының шығармашылығына арналған «Өлкетанушы – ғалым» атты естелік кеші болып өтті. Еске алу кешінде оқушылар мен студенттер, тұрақты оқырмандар қатысты. Қонақ ретінде ақын жерлестеріміз  Ж. Қоғабай, С. Байбосын, Е. Әміренов, өлкетану мұражайының басшысы С.Қ. Ордабаева, «Отарқа» газетінің тілшісі Г. Медеубайтегі, жұбайы Шолпан апай шақырылды. Іс – шара жүргізушілері К.Б. Карекина, А.С. Үрпекова өлкетанушы – ғалым С.И. Жақсыбаевтің өмірі мен еңбегі туралы мағлұмат беріп өтті. Кеш қонақтары жазушылар одағының жергілікті ақындары Ж.Б. Қоғабаев, С.Ә. Байбосын, қалалық өлкетану мұражайының басшысы С.Қ. Ордабаева, жас ақын Е. Әміренов, жұбайы Шолпан апай өздерінің естеліктерімен бөлісті. Содан соң автоматтандыру және цифрлау бөлімінің менгерушісі Е. Щебетун Жақсыбаевқа арналған «Ғалым. Өлкетанушы. Журналист» атты интернет-ресурстын тұсаукесерін өткізді. Шара соңы «Өлкетанушы – ғалым» атты кітап көрмесімен тамамдалды.
« «Үздік оқырман – 2019»»
Автор: Кітапхана жүйесі
09-09-2019 11:33
 «Үздік оқырман – 2019»
Орталық қалалық кітапханада Екібастұз орталықтандырылған кітапханалар жүйесінің оқырмандарының қатысуымен «Үздік оқырман – 2019» атты сайыстың қорытындысы өткізілді. Шара барысында оқырмандар өздері туралы, оқыған қызықты әрі тартымды кітаптары жайлы баяндады. Сайыс қорытындысы бойынша ЕОКЖ – нің әдістемелік бөлімнің жетекшісі Г.Ж. Түрегелдинова оқырмандарды келесі номинициялар бойынша марапаттады: «Оқу чемпионы» - Ахметов Мансурхан (Орталық балалар кітапханасы), Аманжолов Ислам – (Орталық қалалық кітапхананың балалар бөлімі), Цепкова Зоя Михайловна (Орталық қалалық кітапханасы); «Кітап әлемінің білгірі» Гиндулина Милауша Бадавивна (№4 қалалық кітапханасы), Исмаилов Карим (Орталық балалар кітапханасы), Тарасенко Дмитрии Николаевич, Агапова Валенитна Алиевна, Маханова Мария Калымовна (Орталық қалалық кітапханасы); «Кітап құмар»Абраев Аслан (Орталық балалар кітапханасы); Айтибаева Ляззат Кайруллаевна (Орталық қалалық кітапханасы); «Кітапхана белсендісі»Жұматов Дүйсенбай (№3 кітапхана – коворкинг №3), Миннигулова Эльвира, Желавская Эвелина, Тышканбаев Иса (Орталық балалар кітапханасы), Макашев Бейсенбек Абильдинович, Васильев Александр Павлович (Орталық қалалық кітапханасы).
««Шебер қолдар сиқырлы бұйымдар»»
Автор: Кітапхана жүйесі
16-08-2019 11:12
«Шебер қолдар сиқырлы бұйымдар»
№3 кітапхана – коворкинг орталығында мүмкіндігі шектеулі орталығының тәрбиеленушілеріне  «Шебер қолдар сиқырлы бұйымдар» атты шеберлік сағаты өткізілді. Шеберлік сағат барысында балалар қолөнер шебері Н.Н. Гаврилованың басшылығымен түрлі – түсті қағаздардан өз туындыларын жасады. Шара соңында кітапханашы Л. Омарова қолөнер бойынша тақырыптық әдебиеттерге шолу жасады.
««Бағаналы Елорда»»
Автор: Кітапхана жүйесі
04-07-2019 15:51
«Бағаналы Елорда»
Шара барысында библиограф М.Қ. Әлкен №2 мамандырылған өрт сөндіру бөлімінің қызметкерлеріне  кітап көрмесінің бөлімдерімен, ұсынылған әдебиеттермен таныстырып өтті. Атап айтсақ, бірінші бөлімде елордамыздың тарихы мен археологиялық және тарихи ескерткіштері туралы С. Түгелдің «Астана хикаялары»,  А. Смайылдың «Астана ғасырлары», Э.К. Касымбаевтың «История Акмолы (ХІХ – начало ХХХ века), Б.Б. Резванцевтің  «Сердцевина Евразии» және т.б. кітаптарға шолу жасалды. Қатысушылардың назарына екінші бөлімде «Астана. Монументы и скульптуры», «Архитектура Астаны»,  үш тілде жарыққа шыққан Ш. Шахайдың «Жан жүрегім – Астана» кітап – альбомы, үшінші бөлімде еліміздің астанасына арналған ақын – жазушылардың шығармалары ұсынылды.
««Кітапханалық шатыр»»
Автор: Кітапхана жүйесі
20-06-2019 16:52
«Кітапханалық шатыр»
№3 кітапхана – коворкинг орталығының кітапханашылары  жазғы демалыс лагерьі кезінде, №11 орта мектебінің  «Күншуақ» тобының тәрбиеленушілері үшін «Кітапханалық шатыр» атты ашық аспан астындағы кітапхана ұйымдастырды. Қаламыздың 50 жылдығана арналған саябағында,ашық аспан астында,таза ауа­да  балалар викторинаға,  қызықты ойындарға  қатысып, жасырылған жұмбақтарды шешті. Көрмеге қойылған кітаптар мен жүрналдарды қызықтап, кітапханашылармен бірге ертігілер әлеміне саяхат жасады.
««Ол-құтқарушы, бұл осындай мамандық»»
Автор: Кітапхана жүйесі
07-06-2019 17:09
«Ол-құтқарушы, бұл осындай мамандық»
№35 мектеп гимназиясының жазғы демалыс лагерьінің оқушылары Орталық балалар кітапханасында ТЖ комитетінің құтқарушы мамандарымен ұйымдастырылған «Ол-құтқарушы, бұл осындай мамандық» атты кездесуге қатысты.  Шараның қонағы ретінде қатысқан бөлімшенің басшысы М.М. Оспанов, бас мамандар Р. Жұмабеков, П. Дятченко балаларға құтқарушы мамандығының қыр-сыры туралы сондай-ақ қауіпсіздік шаралары және т.б. тақырыпқа қатысты әңгіме өрбітті. Шара соңында қатысушылардың назарына «Миссия выполнима» бейнесюжетінің көрсетілімі ұсынылды.

бiрiншiсi алдың. 1 2 3 62 соңғысы