Екібастұз қаласы әкімдігінің мәдениет және тілдерді дамыту бөлімі
Жаңалықтар : Жаңалықтар
««Мерейлі отбасы» ұлттық байқауы»
Автор: «Атамұра» мәдениет орталығы
16-05-2019 10:39
«Мерейлі отбасы» ұлттық байқауы
15 мамыр Халықаралық отбасы күніне орай Достық үйінде «Мерейлі отбасы» ұлттық байқауының қалалық кезеңі өтті. Байқауға Атығай ауылдық клубының әдіскері Жомарт Қабыкенов отбасымен қатысып, І орынды иеленді.
«Халықаралық "JULDYZDAR ALANY" фестивалі»
Автор: «Атамұра» мәдениет орталығы
04-05-2019 16:40
Халықаралық
4 мамыр күні қалалық балалар музыка мектебінде Қоянды ауылдық клубының мәдени ұйымдастырушысы Қазына Алпысбаеваның жетекшілігіндегі «Шабыт» шығармашылық тобының мүшесі Бахытбекқызы Аружан Халықаралық "JULDYZDAR ALANY" фестиваліне "Көркем сөз" жанры бойынша қатысып жүлделі II  орынды және аталмыш клубтың "Жайна" вокалдық тобының мүшесі Дастан Айзере І  орынды иеленді
«7 мамыр ҚР Отан Қорғаушылар күні »
Автор: «Атамұра» мәдениет орталығы
04-05-2019 16:39
7 мамыр ҚР Отан Қорғаушылар күні
7 мамыр ҚР Отан Қорғаушылар күні қарсаңында 4 мамыр күні "Атамұра" мәдениет орталығының әйелдер қауымы ұжымдағы ер азаматтарды мерекелерімен құттықтап, ойын - сауық бағдарламасын ұйымдастырды. 
««Тәуелсіздік тұғыры - ұлттар достығы» атты мерекелік іс – шара »
Автор: «Атамұра» мәдениет орталығы
29-04-2019 15:24
«Тәуелсіздік тұғыры - ұлттар достығы» атты мерекелік іс – шара
1 мамыр – Қазақстан халқының бірлігі күні. Осы орайда еліміздегі халықтар достығын насихаттау, басқа ұлт өкілдерінің мәдениетіне, салт – дәстүріне құрмет көрсету мақсатында «Атамұра» мәдениет орталығында барлық ауылдық клубтардың қатысуымен «Тәуелсіздік тұғыры - ұлттар достығы» атты мерекелік іс – шара өтті. Жиналған қауымға бірнеше ұлттың салт – дәстүрінен көрініс көрсетіліп, әндері шырқалып, ұлттық тағамдары ұсынылды.
««Өнермен өткен өр ғұмыр» атты еске алу кеші»
Автор: «Атамұра» мәдениет орталығы
26-04-2019 17:58
«Өнермен өткен өр ғұмыр» атты еске алу кеші
26 сәуір күні «Атамұра» мәдениет оталығында айтыскер, ақын, термеші, дәстүрлі әнші Кәрімов Оташ Уахитұлына арналған «Өнермен өткен өр ғұмыр» атты еске алу кеші өтті. Ұлттық өнерді жаңғыртуға мән берілгенде аудандық, облыстық фестивальдерге қатысып, лауреат атанып жарқ еткен Оташ Уахитұлы З.Роща ауылдық клубының меңгерушісі болып, ауыл мәдениетін жандандырып, әнші – термеші шәкірттерді тәрбиелеген. Ақындығымен қатар сазгерлігі де болған, артына өшпес із қалдырған өнер иесінің туындылары, өнер сүйер қауым жүрегінің төрінен орын таба білді. Кеш барысында ақынның өлеңдері оқылып, әндері шырқалды. Көзі тірісінде сүйіп айтқан әндері, орталық өнерпаздарының орындауында жиналған қауымға ұсынылды.
«Ласкер Қалиұлы Сейітовтың 80 жылдығына арналған шығармашылық кеш»
Автор: «Атамұра» мәдениет орталығы
26-04-2019 17:56
Ласкер Қалиұлы Сейітовтың 80 жылдығына арналған шығармашылық кеш
26 сәуір күні «Қайнар» ББҚО жағымды қоңыр дауысымен, әуезді қазақи үнімен  ресми жаңалықтан бастап, әдеби-драмалық, мәдени хабарларды жүрекке  жеткізе білген дара тұлға, Қазақ ССР – нің еңбек сіңірген артисі, журналист Ласкер Қалиұлы Сейітовтың 80 жылдығына арналған шығармашылық кеш өтті. Кеш барысында Ласкер Қалиұлының еңбек жолы, елі үшін жасаған игі істері, өмір тарихы тілге тиек етіліп, ағамыздың  жақсы көретін әндері шырқалды.
««Аймағым – алтын бесігім» жазба ақындар фестивалі»
Автор: «Атамұра» мәдениет орталығы
22-04-2019 09:31
«Аймағым – алтын бесігім» жазба ақындар  фестивалі
19 сәуір күні алғаш рет Екібастұз қаласында «Аймағым – алтын бесігім» атты аймақтық жазба ақындардың I фестивалі ұйымдастырылып өткізілді. Фестивальге Павлодар, Баянауыл, Қарағанды және Екібастұз қаласының елдік пен ерлікті, бейбіт өмірді, сұлу табиғаты бар өңірді, адамгершілік асыл қасиеттерді, бабалардан қалған бекзат  өнер мен өнеге өсиеттерді  көркем суреттей білген өршіл, рухты 11 ақын қатысты. Фестивальдің әдеби сарапшылары ақын, «Ақбеттау» журналының редакторы Сайлау Байбосын мен ақын, қалалық «Қазақ тілі» қоғамының төрағасы  Жұмағали Қоғабай әр ақынның өлеңдеріндегі ерекшеліктерге, көркем суреттеуге, жазылу мәнері мен өлең жазу түр – тұрпатына талдау жасады. Шығармашылық кеш соңында Т.Оралған «Тастүлек ақын», Г.Медеубаева «Ойшыл ақын», Д.Келген «Сыршыл ақын», Ж.Амантайұлы «Рухты ақын», А.Әбіш «Азаматтық жырдың ақтаңгері», А.Оралхан «Дәуірмен үндес ақын», Р.Амангелді «Сезімтал ақын», Б.Қайдаров «Көрермен көзайымы», Е.Әміре «Арқалы ақын», С.Сәрсенбекова «Әлеуметтік жырдың әлеуеттісі» номинацияларымен марапатталды.
««Махаббат деген қандайды...» атты ойын – сауық бағдарламасы»
Автор: «Атамұра» мәдениет орталығы
17-04-2019 11:05
«Махаббат деген қандайды...» атты ойын – сауық бағдарламасы
Соңғы жылдары елімізде жастар арасында 15 сәуір – ғашықтар күні, яғни «Қозы Көрпеш – Баян сұлу» күні болып тойланып келе жатыр. Бұл көңіл қуантарлық жайт. «Атамұра» мәдениет орталығы осы күнді насихаттау, жастарды ұлттық құндылықтарымызды құрметтеуге тәрбиелеу мақсатында «Махаббат деген қандайды...» атты ойын – сауық бағдарламасын ұйымдастырды. Орталыққа жиналған жастармен түрлі танымдық ойындар ойнатылып, махаббат тақырыбында поэзиядан үзінділер оқылды. Шараға Төртүй, Құлакөл, Бесқауға, Атығай ауылдық клубтарының мәдени ұйымдастырушылары атсалысып, тың иедяларымен шараның қызықты да көңілді өтуіне белсене қатысты.
««Қаныштың сүйіп айтқан әндері» атты облыстық дәстүрлі әншілер байқауы»
Автор: «Атамұра» мәдениет орталығы
15-04-2019 15:43
«Қаныштың сүйіп айтқан әндері» атты облыстық дәстүрлі әншілер байқауы
12 сәуір күні ғұлама ғалым, профессор, академик, мемлекет қайраткері, жерлесіміз Қаныш Имантайұлы Сәтбаевтың 120 жылдық мерейтойына орай өткен «Қаныштың сүйіп айтқан әндері» атты облыстық дәстүрлі әншілер байқауында «Атамұра» мәдениет орталығы «Мұрагер» халықтық вокалды ансамблінің мүшесі Сұңғат Ерғалиұлы Көпежанов I орынды иеленді
«Даниял Сабырұлы Әсеновтың кездесу кеші»
Автор: «Атамұра» мәдениет орталығы
15-04-2019 15:40
Даниял Сабырұлы Әсеновтың кездесу кеші
Екібастұз қаласының балалар музыка мектебінде Ұлы Абайды зерттеп, сонымен қатар Шәкәрім, Мағжан, Сұлтанмахмұт, Мәшһүр атамыздай ұлы тұлғалардың шығармашылықтарымен және де Қыз Жібек, Қобыланды дастандарын жатқа айтып, жастарға насихаттап, талмай еңбек етіп жүрген қоғам қайраткері, Абайтанушы Даниял Сабырұлының шығармашылық кездесу кеші өтті.
««Қазақтың Қанышы» атты әдеби – тарихи кеш»
Автор: «Атамұра» мәдениет орталығы
11-04-2019 16:43
«Қазақтың Қанышы» атты әдеби – тарихи кеш
Биыл Қазақстан Ғылым академиясының негізін салушы, тұңғыш кәсіби қазақ геологы, тау инженері және бірінші академик Қаныш Имантайұлы Сәтпаевтың 120 жылдық мерейтойы. «Атамұра» мәдениет орталығы 11 сәуір күні Қаныш Имантайұлының туған күні қарсаңында «Қазақтың Қанышы» атты әдеби – тарихи кеш өткізді. Шарада жастарға Қаныш еңбектері кеңінен насихатталып, қалалық орталық кітапхана және өлкетану мұражайынан көрме қойылды. Ақын, Қазақстан жазушылар одағының мүшесі ҚоғабаевЖұмағали Бижанұлы және Қазақстан еңбек ері, Екібастұз қаласының құрметті азаматы Ришат Бабайұлы Әмренов Қаныштың ғылыми жетістіктерін баяндаса, өнерпаздар Жомарт Қабыкенов, Ербол Ахаев, Гүлмайра Тлеубаева ғалымның сүйіп айтқан әндерін жиналған қауымға тарту етті.
«Өнер керуені»
Автор: «Атамұра» мәдениет орталығы
28-03-2019 18:47
Өнер керуені
Павлодар облысы әкімінің, облыстық мәдениет, архивтер және құжаттама басқармасының қолдауымен ата-бабадан келе жатқан ұлы мұраны кеңінен насихаттап, халық ауыз әдебиетінің \айтыс, дәстүрлі ән, терме, күй, ұлттық ойын\ фольклорын шалғайда жатқан елді мекендегі халыққа дәріптеу мақсатында облыстық «Шаңырақ» ХШ және МСҚ орталығының ұйымдастыруымен 2019 жылдың наурыз айынан  бастап «Ұлы даланың  өнерпаздар керуені» атты өнер керуені іс-сапарға шыққан болатын. Өнерпазға толы керуен 28 наурыз күні Сарықамыс ауылына ат басын тіреді. Думандатып келген керуенді «Атамұра» мәдениет орталығы ауыл сыртынан – ақ дәстүрді дәріптеп, сарқылмас салтымызбен қарсы алды.

бiрiншiсi алдың. 1 2 3 52 соңғысы