Екібастұз қаласы әкімдігінің мәдениет және тілдерді дамыту бөлімі
Жаңалықтар
«"Тайжарыс-Талант" ҚҚ "Дара бала" V Халықаралық байқауы»
Автор: «Атамұра» мәдениет орталығы
15-05-2020 15:33
"Атамұра" мәдениет орталығының "Жұлдыз" вокалдық тобы "Тайжарыс-Талант" ҚҚ "Дара бала" V Халықаралық байқауына онлайн қатысып, төмендегідей орындарды иеленді: "Эстрадалық вокал" номинациясы бойынша Бас жүлде-Елемес Жансая, І орын - Тұрсынбаева Адина, Шерікбайқызы Жанерке, Давлитханқызы Еркеназ, Хуатхан Жолбарыс, Тілеубек Жанат, ІІ орын - Жәнібекқызы Айтолқын. "Көркемсөз өлең" номинациясы бойынша І орын - Ботина Күнсұлу, Кусаинова Маржангүл, Ілияс Ляйсан. Жетекшісі орталықтың көркемдік жетекшісі Алданова Гүлмира Нұрлыбекқызы. Құлакөл ауылдық клубының "Гүлдер" би тобы  "Би" номинациясы бойынша І орын (жетекшісі Айдарханова Жұмагүл Аманжолқызы)және "Көркемсөз өлең" номинациясында Сапарғали Ақжарқын Бас жүлде иеленді. 
«Құрақ көрпе - дәстүр жалғасы»
Автор: «Атамұра» мәдениет орталығы
15-05-2020 15:25
Құрақ көрпе - дәстүр жалғасы
Зеленая роща ауылдық клубында "Рухани жаңғыру"бағдарламасы аясында кұрақ көрпе кұраудан шеберлік сағаты өтті. Ауылдың келіні Каримова Айжан қыз- келіншектерге құрақ көрпе құраудың қыр сырын үйретті. Ұлттық өнерімізді насихаттап,өзара құрақ тігудең түрлі тәсілдері бөлісті. Бүгінгі шара ауылымыздың қыз- келіншектеріне көпке үлгі болады және алдағы уақытта жалғасын табады деп сенеміз.
««Алтын Орданың мәдени мұрасы» музейлік сабақ»
Автор: Екібастұз тарихи-өлкетану мұражайы
26-03-2020 12:05
«Алтын Орданың мәдени мұрасы» музейлік сабақ
       Алтын Орда - қазақ халқының мәдени кодының маңызды бөлшегі. 12 наурыз Алтын Орданың 750 жылдығын негізге ала отыра мәдениет ордасы музейде «Алтын Орданың мәдени мұрасы» музейлік сабағы өтілді. Мемлекеттің мәдени-тарихи деректері, әрі мұралары баяндалды. Дерек көзі тұрғысында №3 кітапхана өкілдерінің   тарапынан кітап көрмесі, «Ұлытау - Алтын Орданың бесігі» ғылыми-танымдық экспедиция қатысушысының мәліметтері ұсынылды. Шара қонағы болып №18 орта білім беру мектебінің оқушылары қатысты.
««Павлодар облысы жәндіктерінің макрофотографиясы» атты көрме»
Автор: Екібастұз тарихи-өлкетану мұражайы
26-03-2020 12:02
«Павлодар облысы жәндіктерінің макрофотографиясы» атты көрме
      7 наурыз павлодарлық фотоанималист, әрі «Павлодар География үйі» қоғамдық бірлестігінің, «Qazaq Georraphy» республикалық қоғам бірлестігінің мүшесі Алексей Мехедовтың «Павлодар облысы жәндіктерінің макрофотографиясы»  атты көрменің салтанатты ашылымы өтілді. Фотосуретшінің назары дүние жаратылысының кішкентай бөлшектеріне аударылған. Фотоаппарат құрылғысы және макрофотография әдіс тәсілін қолдана отыра өрмекші, қоңыз, инелік, көбелек сынды жәндіктерін ертегі әлемінің кейіпкеріне айналдыра білетін ерекше фотосуретші. Фотокөрменің ерекшелігі бунақденелі омыртқасыз жануарлар класын үлкен көлемде көру мүмкіндігіне ие.Көрмеде макрофотография әдісімен түсірілген 44 жұмыстары ұсынылды. Көрме ашылымына Екібастұз өңірінің белгілі суретшісі, әрі шебері А.П.Гаврилюк, фотограф В.К.Фадеев, қаланың еріктілер тобы және қала тұрғындары қатысты.
««Бір қолымен бесік, бір қолымен әлем тербеткен асыл жандар» атты поэзиялық вернисаж »
Автор: Екібастұз тарихи-өлкетану мұражайы
26-03-2020 11:59
«Бір қолымен бесік, бір қолымен әлем тербеткен асыл жандар» атты поэзиялық вернисаж
    4 наурыз Халықаралық әйелдер күні қарсаңында «Бір қолымен бесік, бір қолымен әлем тербеткен асыл жандар» атты поэзиялық вернисаж ұйымдастырылды. «Әйелдің күші су сияқты жұмсақ, бірақ мықты» демекші кеш қонақтары ретінде қайратты, һәм қайсар «Энергострой» тресті тұрғын үй комуналдық шаруашылық құрылыс бригадасының ардагері Бейсембаева Мария Федоровна мен Екібастұз қаласы мамандандырылған Күзет қызмет басқармасының психолог маманы Муштаева Диана Рысбаевна арнайы шақырылды. Әр салада ерлерден қалыспай еңбек етіп жүрген нәзік жандыларымыз өз қызметтері жайлы студенттерге әңгімелеп берді. «Кәусар» вокалдық әжелер ансамблі мен Естай атындағы музыкалық мектебінің тәрбиеленушілері музыкалық шашу шашып, студенттер «Ана», «Әйел» тақырыбында өлең оқып поэзиялық вернисаж сәнін келтірді.
«КСРО журналистер Одағының мүшесі, фототілшісі Николай Мякинькидің мерейтойлық шығармашылық көрмесі ашылды»
Автор: Екібастұз тарихи-өлкетану мұражайы
26-03-2020 11:57
КСРО журналистер Одағының мүшесі, фототілшісі Николай Мякинькидің мерейтойлық шығармашылық көрмесі ашылды
      4 наурыз КСРО журналистер Одағының мүшесі, фототілшісі Николай Мякинькидің мерейтойлық шығармашылық көрмесі ашылды. Фотограф өмірдің қызықты әрі керемет құбылыстарын фотоаппарат объектісіне айналдырып қана қоймай өз еңбектерінде жанның жылулығын қалдыра біледі. Көрмеде фотошебердің жұмыстары терең мағынасымен, табиғилығымен ерекшеленеді.Көрменің ашылу салтанатына Екібастұз қалалық мәслихатының хатшысы Б.Қ.Кұспеков, қалалық кеңес төрағасының орынбасары А.П.Подзорова, еңбек ардагерлері, шебер А.П.Гаврилюк, фотограф В.А.Голянский, ЕГТК және ЭКИнЕУ студенттер қауымы қатысты.
««Ұлт ұлысқа ортақ үй - Қазақстан» атты қонақжайлылық күн»
Автор: Екібастұз тарихи-өлкетану мұражайы
26-03-2020 11:54
«Ұлт ұлысқа ортақ үй - Қазақстан» атты қонақжайлылық күн
            1 наурыз - Алғыс айту күнінде «Ұлт ұлысқа ортақ үй - Қазақстан» атты қонақжайлылық күні өтті. Іс-шараға № 36 мектеп лицейінің 6 «а» сынып оқушылары қатысты.Үш кезеңнен кұралған тапсырмалардан оқушылар сүрінбей өтті. Нығмет Жансая «Ұстазға ұлы рахмет!»; Алипбай Перизат «Әрненің білдік мәнісін»; Нұртай Ақбөпе «Әдептілік дегенің»; Болатов Айдос «Сыйла үлкен кісіні»; Болатов Ердос «Тұрмайма жанға жарасып», «Ризамын ата- анама» атты өлеңдерін оқып шықты. Мереке әр ұлттың тіліндегі «Рахмет» сөздері айтылған видео роликпен аяқталды.
«Көрісу күніне арналған мерекелік іс – шара»
Автор: «Атамұра» мәдениет орталығы
13-03-2020 18:04
Көрісу күніне арналған мерекелік іс – шара
13 наурыз күні «Атамұра» мәдениет орталығында Ұлыстың Ұлы күні Наурыз мейрамының беташарына айналған «Амал» атауымен тойланып келе жатқан көрісу күніне арналған мерекелік іс – шара өтті. Салт – дәстүрімізді насихаттауда талмай еңбектеніп жүрген «Кәусар» әжелер тобы бұл күні келген қонақтарды бірінші қабаттан «Көрісу» рәсімін жасап қарсы алды. Бұдан ары жиналған қауымды «Атамұра» халықтық ұлт – аспаптар ансамблі мен «Мұрагер» халықтық вокалды ансамблі, «Нәзік» үлгілі хореографиялық би ұжымы, «Жұлдыз» вокалдық тобы  әуезді әннің бесігінде тербеп, көрермендерді шаттық пен қуанышқа бөледі. Шара барысында «Атамұра» мәдениет орталығына қарасты Ақкөл, Зеленая Роща, Төртқұдық, Қарасор, Құлакөл, Қоянды, Атығай, Төртүй, Бесқауға ауылдық клубтарының мәдени қызметкерлері «Қонақ атаңнан да үлкен» атты сахналық қойылым көрсетіп, қазақ халқының ұмыт болып бара жатқан туыстық атауларын насихаттап, қонақ күту кәделерін көрініс арқылы көрсетті. Ақ бата мен молшылыққа толы бұл мерекеде мәре – сәре болған жұрт осы қарқынмен Жаңа Жыл – 22 наурыз мейрамын өз отбасыларында қарсы алады.
««Шың көңілмен алғыс айту» »
Автор: Кітапхана жүйесі
02-03-2020 10:22
«Шың көңілмен алғыс айту»
№3 кітапхана-коворкинг орталығында 1 - Наурыз Алғыс айту күніне байланысты «Шың көңілмен алғыс айту» атты көңіл – күй күні өткізілді. Бұл күні №3 кітапхана-коворкинг қызметкерлері келген оқырмандарының адалдығы, кітапқа, оқуға деген махаббаты үшін неге алғыс айтпасқа деп шешті. Оқырмандарды қөтерінкі көңіл күймен жақсы тілектерімен қарсы алды. Балалар мерекенің шығу тарихымен танысып, алғыс сөздердін мағынасына үңілді. Әр түрлі ойындар ойнатылды мысалы, мақал-мәтел жалғасын табу, «алғыс», «достық», «рақымшылық». Шара соңында «Рахмет, саған!» атты көркем суреттер көрсетіліп, балалар көңілді күйде, флешмоб биімен аяқтады.
«"Кәусар" әжелер ансамблі»
Автор: «Атамұра» мәдениет орталығы
28-02-2020 09:27
24 ақпан күні «Атамұра» мәдениет орталығының «Кәусар» әжелер ансамблі № 11 жалпы білім беретін орта мектебіндегі «Дәстүрімнің көкжиегі» атты ұлттық жобасы аясында өткен іс – шараға қатысты.
«Ауған соғысының ардагерлерімен кездесу»
Автор: «Атамұра» мәдениет орталығы
28-02-2020 09:25
Ауған соғысының ардагерлерімен кездесу
12 ақпан күні Төртқұдық ауылдық клубында Кеңес әскерлерін Ауғанстан жерінен шығарылған күніне орай ауған соғысының ардагерлері Ахметов Мұрат Баймаханұлы және Смағұлов Махмет Катайұлымен кездесу ұйымдастырылды. Батыр азаматтар оқушылардың сұрақтарына жауап бере отырып, өз елінің патриоттары болуларын, қазіргі тәуелсіз елдегі тыныш та бейбіт заманды бағалау керек екенін әңгімеледі. 
««2020 жылғы мерейтойлы кітаптар»»
Автор: Кітапхана жүйесі
26-02-2020 17:06
«2020 жылғы мерейтойлы кітаптар»
Орталық қалалық кітапханада ақпараттық – библиографиялық бөлім «2020 жылғы мерейтойлы кітаптар» атты шолу өткізді. Шараға №10 мектептің 10-сынып оқушылары мен №26 мектептің 9 б - сынып оқушылары шақырылды. Шара барысында библиограф А.Елубаева 2020 жылдың Қазақстандық жазушылардың мерейтойлы еңбектерімен таныстырды. Атап айтсақ, «Қозы Көрпеш-Баян сұлу», «Ер Тарғын- батырлық жыр», Абайдың «Қара сөздері» атты кітабы, Шәкәрім Құдайбердіұлы «Еңлік-Кебек», Сұлтанмахмұт Торайғыров «Кім жазықты» романы, Ғабит Мүсірепов «Қазақ солдаты» және т.б. Содан соң библиограф Т. Жунусова шетел және ресейлік жазушылардың мерейтойлы әдебиеттеріне шолу жасады. Атап айтсақ, У. Шекспир- «Ромео и Джульетта», М. Рид- «Всадник без головы», А. Затаевич- «1000 песен казахского народа» және т.б. Қорытынды бөлімінде «Оқуға тұрарлық» атты кітап көрмесіне шолу жасалды.

бiрiншiсi алдың. 1 2 3 261 соңғысы